Mes cultural do IES Campo de San Alberto
Do Libro ás Letras
Conferencia "Stranger Things" do profesor da USC Antonio Míguez Macho, organizada polo departamento de CCSS, sobre a represión durante a Guerra Civil.
PRESENTACIÓN DA REVISTA “ENTREPONTES”
O venres 3 de maio tivo lugar a presentación da revista do
centro, Entrepontes, que recolle os traballos realizados polo alumnado ao longo
do curso pasado.
Este número está dedicado ao mundo do mar, así que os diferentes proxectos de
investigación xiraron arredor deste tema. O acto contou coa presencia de
mariscadoras, redeiras e outras persoas vinculadas ao mundo do mar, así como
coa coordinadora do Plan Proxecta, Educación Patrimonial, da Consellería de
Educación, Mariña López.
SERAFÍN MARCOS “ANTONIO FRAGUAS”
O 6 de maio no salón de actos o alumnado de 1º, 2ºESO e FP
básica I asistiu a obra de teatro presentada por Serafín Marcos. O actor fixo
un percorrido pola vida do artista para coñecer un pouco máis o homenaxeado
deste ano das Letras Galegas.
AMANCIO LIÑARES GIRAUT “Antonio Fraguas nas Letras”
Amancio Liñares profesor e catedrático de ensino secundario
de Historia e Xeografía presentou o autor homenaxeado a través de varias
fotografías insólitas nas que aparecía o propio conferenciante co autor.
SAÍDA Ó TEATRO: “FILLOS DO SOL”
O 10 de maio o alumnado de 3ºESO e 1ºBACH. Asistiu ao teatro
para ver esta obra de teatro dirixida por Cándido Pazó sobre a figura de Eduardo Pondal e a obsesión
pola súa obra: Os Eoas.
“CÓNTOCHE UN TRAXE” POR MONTSE RIVERA
O 13 de maio acompañounos Montse Rivera, compoñente do grupo
Leilía e directora do Grupo de baile e música Brincadeira.
Aistiron o alumnado de 1ºESO e da EBI. Fíxonos unha pequena
introdución sobre a vida de Antón Fraguas resaltando a súa implicación na
divulgación do traxe galego.
Con Montse Rivera coñecemos un pouco máis sobre os traxes de
cotío e de gala, tanto de muller e de home, o mesmo tempo que nos cantaba unhas
coplas.
Comentarios
Publicar un comentario