Certame Literario Alberto Romasanta - LETRAS GALEGAS 2021

 Certame Literario Alberto Romasanta

LETRAS GALEGAS 2021

IES CAMPO DE SAN ALBERTO - IES VIRXE DO MAR,   NOIA

BASES

a.- Poderán concorrer a este certame literario os alumnos e alumnas matriculados/as en calquera dos dous centros educativos no presente curso académico 2020-2021

b.- Establécense tres niveis de participación nas modalidades de RELATO e POESÍA:

• NIVEL 1.-Alumnado 1º e 2º de ESO e ESA 1
• NIVEL2.-Alumnado 3º e 4º de ESO e ESA 2
• NIVEL3.-Alumnado BACHARELATO e CICLOS FORMATIVOS.

c.- En cada nivel concederanse dous premios (que poderán quedar desertos) correspondentes ás modalidades de RELATO e POESÍA. A contía dos premios será de 60 e 30 euros. De estimarse oportuno, o xurado poderá outorgar algún accésit.

d.-Os traballos enviaranse ao enderezo concursocampomar@gmail.com da seguinte maneira:

• No asunto do correo figurará o título do relato/poema
• No contido do correo (corpo) poñerase o nome da/do concursante, curso, clase e INSTITUTO.
• O traballo (sempre con título) enviarase como anexo EN FORMATO PDF. O nome do arquivo ten que conter o título do traballo. NO ANEXO PDF NON FIGURARÁN DATOS PERSOAIS NIN NO NOME DO ARTIGO NIN NO TRABALLO.
• As/os participantes poden resolver as súas dúbidas neste mesmo correo electrónico.

e.- Os traballos estarán escritos en galego e o tema será libre. A extensión do relato será entre 1 e 3 folios (letra 12, dobre espazo) e os poemas terán entre 10-40 versos (un ou varios poemas no mesmo traballo). O mesmo alumnado poderá participar nas dúas modalidades.

f.- Os traballos poderán enviarse ata as 22:00 horas do día 2 de maio.

g.- A entrega dos premios realizarase no IES Campo de San Alberto na semana das Letras Galegas. Está previsto que sexa presencial, sempre que as condicións sanitarias o permitan.

h.- O xurado estará formado por profesorado dos dous centros. A presentación ao Certame, implica a aceptación das devanditas bases.  

Gañadores do concurso